सिरहा । सभापति रवि लामिछाने पक्राउको विरोधमा राष्ट्रिय स्वतन्त्र पार्टीले सिरहाको सदरमुकाममा विरोध प्रदर्शन गरेको छ ।
सहकारी ठगी प्रकरणमा अनुसन्धानका लागि लामिछाने पक्राउ परेपछि रास्वपा कार्यकर्ताले सरकारले राजनीतिक प्रतिशोधका लागि पक्राउ गरेको भन्दै विरोध जनाएका हुन् ।
रास्वपा नेता, कार्यकर्ता र समर्थकको ठूलो संख्या सिरहा सदरमुकाममा भेला भएका छन् । उनीहरुले सरकार र प्रधानमन्त्री विरुद्ध पनि नाराबाजी गरेका छन् ।
रास्वपा सभापति लामिछानेलाई सहकारी रकम हिनामिनाको आरोपमा शुक्रबार साँझ प्रहरीले पक्राउ गरेको थियो। सोहीको विरोधमा रास्वपा कार्यकर्ताहरू सडकमा उत्रिएका हुन्।
प्रदर्शनकारीहरुले सहकारी पीडितलाई न्याय दे, भ्रष्ट सरकार मुर्दावाद, दोषीलाई च्याप्ने, निर्दोषलाई न्याक्ने, भाट–भूटानी सरकार मुर्दावाद, सरकार म¥यो, जनतालाई जुठो प¥यो लगायतका प्लेकार्ड बोकी नारा लगाएका थिए ।
प्रदर्शनकारीहरूले सहकारी पीडितलाई न्याय दिनुपर्ने, दोषीलाई कारबाही र निर्दोषलाई बचाउनुपर्ने भन्दै सरकारको आलोचना गरे।
लामिछानेलाई अदालतको अनुमति पछि पक्राउ गरी पोखरा पठाइएको छ। उनीमाथि सहकारी ठगी र संगठित अपराधका आरोपमा अनुसन्धान भइरहेको छ।
उनीमाथि गोर्खा मिडिया नेटवर्कका तत्कालीन प्रबन्ध निर्देशक हुँदा सहकारीको बचत रकम अपचलन गरेको आरोप लागेको छ।
