सिरहा । सिरहामा भर्खैरै सरुवा भई आउनु भएका नयाँ प्रमुुख जिल्ला अधिकारी (सिडियो) वासुदेव दाहाललाई सिरहा नगरपालिकाद्वारा स्वागत गरेको छ । शुक्रबार एक औपचारिक कार्यक्रमका साथ सिरहा नगरपालिकाका मेयर डा. नविन कुमार यादव र प्रमुख प्रशासकीय अधिकृत बलिराम यादव लगायत नगरपरिवारको तर्फबाट सिडियो दाहाललाई नगरपालिकाको कार्यालय मै स्वागत गरिएको हो ।
सिरहा जिल्लामा प्रमुख जिल्ला अधिकारी (सिडियो) को जिम्मेवारी पाएर आउनु भएका वासुदेव दाहाललाई खादा, अबिर लगाएर स्वागत गरेको सिरहा नगरपालिका मेयर डा. नविन कुमार यादवले बताएका छन । सानो एक औपचारिक कार्यक्रम पछि सिडियो दाहालले जिल्लाको आर्थिक तथा सामाजिक विकाससंगै समग्र शान्ति सुरक्षालाई सुव्यवस्थित बनाउन आफ्नो कार्यकाल अवधिभर यहाँका स्थानीय तहका जनप्रतिनिधिहरुका साथै सरोकारवाला निकायहरुसग समन्वय गरेर अगाडि बढ्ने बताएका छन् ।
