सिरहा । सिरहा नगरपालिकाको सहयोगमा जारी नगरस्तरीय फुटबल प्रतियोगितामा वडा नम्बर ११ भलुवाहीले सानदार विजयी सुरुवात गरेको छ ।
वडा नम्बर ११ भलुवाहीले वडा नम्बर १९ सन्हैठालाई सानदार ४ गोलको फराकिलो अन्तरले पराजित गरेको छ । भलुवाहीलाई फराकिलो जित दिलाउन जर्सी नम्बर ११ का मोहम्द बसिरले ह्याट्रि गोल गरेका छन् ।
बसिरले खेलको सुरुवाती गोल ११औं मिनेटमा गरे । त्यसपछि लगातार दबाब बनाएको भलुवाहीले सन्हैठालाई खेलमा फर्किन दिएनन् । बसिरले खेलको ११औं, २०औं र ५६औं मिनेटमा गोल गर्दै ह्याट्रिक पूरा गरे । खेलको ३० औं मिनेटमा मोहम्मद आवासले एक गोल गरेका थिए । बसिर खेलको प्लयेर अफ दि म्याच घोषित भएका छन् । खेलमा भलुवाहीले एकक्षत्र दबाब बनाएको थियो ।
यस्तै पहिलो खेलमा वडा नम्बर १२ सारस्वरले वडा नम्बर १४ खिरौनालाई १ का विरुद्ध ३ गोल अन्तरले पराजित गरेको छ । मो. अनाबरुल राईन प्लेयर अफ दि म्याच घोषित भएका छन् । सारस्वरवाट पहिलो गोल जर्सी ७ का नौसाद शेखले खेलको ११औं मिनेतमा गरेका थिए । दोस्रो गोल जर्सी नम्बर १३ का गुरुशरण मण्डलले खेलको १८औं मिनेटमा र खेलको ६०औं मिनेटमा जर्सी नम्बर ८ का सुमित मेस्तरले गोल गर्दै अग्रता ३–१ को बनाए । खिरौनावाट जर्सी नम्बर १४ का सिवराम सदाले खेलको ३४औं मिनेटमा १ गोल फर्काएका थिए ।
यस्तै सोमवार पहिलो खेल वडा नम्बर ९ ठेंगही र वडा नम्बर १० नरैहियावीच हुने भएको छ । दोस्रो खेल वडा नम्बर ६ बसविट्टा र वडा नम्बर ७ राजा सलहेश टिमवीच हुने आयोजक सलहेश युवा कल्वका अध्यक्ष राजिप यादवले बताएका छन् ।
नगरस्तरीय फुटबल प्रतियोगिताको विजेता टोलीले नगद ५० हजार, मेडल, ट्रफी, प्रमाणपत्र र उपविजेता टोलीले नगद २५ हजार, मेडल, ट्रफी, प्रमाणपत्र प्राप्त गर्ने आयोजकले जनाएको छ । प्रतियोगिता अगामी माघ २ गतेसम्म चल्नेछ ।
