सिरहा । जिल्ला कारागार सिरहाका जेलर मातृका दाहालले कानून विपरीत रुख कटान गरेको छ ।
साविक जिल्ला प्रशासन कार्यालय सिरहाको कम्पाउण्डामा रहेको रुख जेलर दाहालको निर्देशनमा अबैध तरिकाले रुख कटान गर्ने क्रममा विद्युती पोल पनि भत्किएको छ । गुपचुप बेच्ने उदेश्यले सिसौ जातको रुख कटान गरिएको छ । एक लाख वढी वढी मूल्यमा विक्रि हुने रुख जेलर दाहालले कानूको धज्जी उडाउँदै कटान गरेको हो ।
साविकमा रहेको जिल्ला प्रशासन कार्यालयको भवन हाल जिल्ला कारागार सिरहाले प्रयोग गर्दै आएकोमा उक्त कम्पाउण्डमा रहेको सिसौ जातको रुख सरकारी रुख हटाउने सम्बन्धि मापदण्ड २०७१ विपरित हटाएको छ । सरकारी रुख हटाउने सम्वन्धि मापदण्डको अनुसार जिल्ला वन कार्यालय सिरहाको प्रमुखको संयोजकत्वमा ७ सदस्य जाँचबुझ समितिको सिफारिसमा जिल्ला वन कार्यालयको स्वीकृतमा कटान गर्ने कानूनी प्रावधान रहेको छ । काननी प्राबधानलाई लत्याउँदै जेलर दाहालले आर्थिक लाभ लिने उदेश्य सहित रुख कटान गरेको हो । आर्थिक फाईदा लिने उदेश्यले कारागार सिरहाका प्रमुख मातृका प्रसाद दाहालले सो रुख कटान गरेको स्थानिय शिव नारायण यादवले बताएका छन् ।
प्रमुख दाहालले कानून पालना गराउनुको सट्टा कानूनी मापदण्डलाई धजि उडाउदै सो रुख कटान मुछान गरी रुख टोनटुक्रा समेत त्यहाबाट हटाई सकेको स्थानियले बताएका छन् । यसरी सरकारी रुख मापदण्ड विपरित कटान गर्नेलाई मौजुदा कानून वमोजिम कारवाही हुने प्रवधान रहेको छ ।
यस विषयमा डिभिजन वन कार्यालय सिरहाका प्रमुख सुजत कुमार झासंग बुझदा सरकारी कार्यालयको कम्पाउण्डमा रहेको रुखहरु सरकारी रुख हटाउने सम्वन्धि मापदण्ड २०७१ वमोजिम गर्नु पर्ने बताएका छन् । त्यस सम्बन्धमा बुझेर मापदण्ड विपरीत भएको छ भने कारवाही प्रकृया अगाडी बढाउने प्रमुख झाले बताएका छन् ।
सिरहा कारागारका प्रमुख : मातृका दाहाल
साविक जिल्ला प्रशासन कार्यालय, सिरहा हाल सिरहा कारागारले प्रयोग गर्दै गरेको कम्पाउण्डमा रहेको सिसौंको रुख आफुले काटन् लगाएको सिरहा कारागारका प्रमुख मातृका दाहालले बताएका छन् । आफुले डिभिजन वन कार्यालय वा कुनै निकायमा रुख काटने सम्बन्धी अनुमति नलिएको स्वीकार गरेका छन् । रुख दाउराको लागि प्रयोग गर्नको लागि प्रमुख जिल्ला अधिकारीलाई जानकारी गराएर रुख काट्न लगाएको दावी गरेका छन् । सोही क्रममा रुख विद्युतिय तारमा खस्दा विद्युतिय पोल भाचिएको प्रमुख दाहाले बताए ।
विद्युत पोल भाँच्चिएर सिरहा सदरमुकाममा विद्युत घण्टौं अबरुद्ध हुन पुगेको छ । विद्युतको कर्मचारीले सो पोलमा विद्युतको सप्लाई बन्द गरी सदरमुकामको अन्य स्थानमा विद्युत सुचारु गरेको जनाएको छ ।
कारागार प्रमुखको लापरवाहीले विद्युत सर्ट भई आगलागी समेत हुन सक्ने जोखिम वाट जोगिएको छ ।
